Sabotsy 30 Novambra 2024

I Korintiana 13.1-13

Ny fitiavana no fototry ny fihetsiky ny Kristiana rehetra

Betsaka ny fihetsika toa tsara ety ivelany azo aseho ety ivelany, toy ny misariaka, miteny tsara, mizara fanomezana ho an’ny mahantra, manohana ny asan’ny Fiangonana, miady ho an’ny mahantra na mikarakara sy mamelona vady aman-janaka sns….Indrisy tsy misy dikany anefa ireny raha vao tsy ny fitiavana ny hafa no fototr’izany ka manosika fa ny fitiavan-tena sy ny fisehoana ivelany.

Andriamanitra dia tia antsika satria Izy mihintsy no fitiavana. Izay rehetra tia dia naterak’Andriamanitra araka izay ambaran’ny I Jaona 4.7. Ny olona rehefa ao Aminy dia tia ho azy, tsy sarotra ny mitia namana fa ny fahavalo koa aza mba hainy tiavina ihany. Ireo ambaran’ny 4 ka hatramin’ny 13 ireo dia fomba fanehoana ilay tena fitiavana tena faran’izay tsara dia ilay atao hoe AGAPE. Io fitiavana io no ahafahana mitia ny olona rehetra na vady na zanaka na ray sy reny na namana na fahavalo.

Fanontaniana

Inona avy ireo karazana fitiavana fantatrao?

Sampana Sekoly Alahady Foibe