FFPM/Famindram-pitantanana

Firaisan’ny Fiangonana Protestanta Malagasy (FFPM)

Ny Filohan’ny FJKM indray no mitantana azy

Ivondronan’ny Fiangonana Protestanta roa lehibe, ny FLM sy FJKM, ny FFPM. Mifandimby isaky ny taona iray ny filohan’ireo fiangonana ireo amin’ny fitantanana azy. Ny  Filohan’ny FLM, ny Dr Pastora RAKOTOZAFY Denis no nitantana tamin’iny taona Lasa iny ary ny Dr IRAKO ANDRIAMAHAZOSOA Ammi, Mpitandrina, indray ankehitriny. Nisy araka izany ny fanompoam-pivavahana sy famindrana ny fitantanana nataon’ireo Filoham-piangonana roa tonta tao amin’ny FLM Ambatovinaky ny Alahady 08 Janoary 2023 tamin’ny 3 ora tolakandro lasa teo. Nitarika fotoam-pivavakana ny Filoha teo aloha no sady Filohan’ny FLM, Dr Pastora RAKOTOZAFY Denis, raha nitory ny tenin’ Andriamanitra ny Filoha Ankehitriny Dr IRAKO ANDRIAMAHAZOSOA Ammi, Mpitandrina. Taonan’ny asa ity taona ity raha araka ny nambaran’ny Filoha ankehitriny tamin’ny toriteny izay nataony. Hafatra telo mazava no nambarany dia ny hoe: Miasa, Mahereza ary Minoa. Maro ny asa miandry izay nateraky ny famindram-pitantanana toy ny fandrindrana ireo asa iandraiketan’ny FFPM.

 RyJa Kely

Perikopa 2024/2025

Desambra: MANETRY TENA NY MPINO

| | 22. Advento IV
Genesisy 3. 9–15 | Lioka 9. 46–50 | Romana 16. 17–20

| | 25. KRISMASY
Mika 5. 1–5 | Matio 1. 18–25 | Filipiana 2. 1–11

| | 29. Ala. man Krismasy - Fiantsoana - SeFaLa
Salamo 2. 7–12 | Matio 23. 1–12 | Hebreo 1. 5–14

Janoary: LEHIBE NY FIANDRIANAN'ANDRIAMANITRA

| | 01. TAOM-BAOVAO
Deo. 11. 8-12 ; Mar. 1. 9-13 ; 1 Jao. 2. 20-23